CCQ (e. Cloud Compliance & Quality) er notendavæn gæðastjórnunarlausn í skýinu, sem fáanleg er í mánaðarlegri áskrift. Kerfið tryggir skjalafestingu og hlítingu við kröfur eins og ISO, GDPR, jafnlaunakerfi og aðra staðla, lög og reglugerðir. CCQ er nútímaleg og notendavæn lausn sem hægt er að nota hvort sem er í tölvu, spjaldtölvu eða snjallsíma.

CCQ samanstendur af nokkrum einingum, sem eru: Gæðahandbók, Áhættustjórnun, Ábendingar, Úttektir, Tækja- og eignastjórnun, Hæfnistjórnun og Frávikagreining, auk sérstakrar Úttektaeiningar fyrir flugrekstur.

Notendavænt lesborð

CCQ er með innbyggt lesborð svo hægt sé að birta mikilvægar upplýsingar hvort sem er til stjórnenda, starfsfólks eða umsjónarfólks. Hægt er að aðlaga og birta upplýsingar eftir óskum og þörfum hvers notanda. Hægt er að velja handbækur, ferla og skjöl, verkefnalista með forgangsröðun, áhættur eða hvort viðkomandi þarf að staðfesta lestur skjala. Stillingar eru fyrir tölvur, spjaldtölvur og snjallsíma.

Gæðahandbókin

Gæðahandbókin einfaldar skjalfestingu krafna við gerð og skipulag ferla. Lausnin er með innbyggðri flokkun fyrir skjalategundir, staðla og reglugerðir sem veitir gegnsæi og rekjanleika. Skjöl eru unnin með texta eða í myndrænu formi og gefin út með rafrænu og sjálfvirku samþykktarferli. Birting skjala flokkast eftir hlutverkum á lesborði notandans eða á vef fyrir almenning.

Staðlar og reglugerðir eru innbyggðar í CCQ sem auðveldar gerð og skipulag ferla og handbóka sem veitir hlítingarstöðu fyrir stjórnendur og úttektaraðila. Mögulegt er að vera áskriftandi að stöðlum eins og ISO 9001, 14001, 27001 ásamt ÍST 85:2012 Jafnlaunakerfi. Með kerfinu fylgja einnig persónuverndarlögin (e. GDPR) sem tóku gildi á Íslandi þann 15. júlí 2018.

Krafa er að jafnlauna- eða persónuverndarstefna sé birt almenningi. CCQ er með innbyggðri virkni fyrir útgáfustýringu og birtingu skjala á vef.