Innskráning - möguleikar
Sjá hér innskráningarsiður CCQ.
Hægt er að skrá sig inn með notendanafni og lykilorði (innskráningarleið A), eða nota svokallaða SSO innskráningu (innskráningarleið B).
Athugið að SSO þarf að setja upp fyrir fyrirtæki í heild, sjá nánari upplýsingar fyrir ADFS hér og Entra ID (Azure AD) hér.
Til upplýsinga: Stefnt er að því að opna vefþjónustu í CCQ sem byggir á SCIM samskiptastaðli, það mun auka möguleika fyrirtækja sem ekki nýta sér AD en vilja SSO og aðgangsstýringar frá sínum völdu kerfum. Þau kerfi þurfa að geta talað á þessum samskiptastaðli. Áætlað eftir mitt ár 2024 en gæti breyst.
Lykilorð (innskráningarleið A)
Við áskrift að CCQ fær notandi sendan hlekk sem leyfir honum að velja sér lykilorð. Nota skal netfangið og svo valið lykilorð til innskráningar.
Tveggja þátta auðkenning (e. 2 Factor Authentication)
Til að auka öryggi þeirra sem nota lykilorð til innskráningar getur notandi sjálfur virkjað 2 þátta auðkenningu undir Minn aðgangur. Velja má um t.d. Google authenticator, Duo eða Authy.
Einnig getur fyrirtæki virkjað 2 þátta auðkenningu fyrir alla sem nota lykilorð með því að haka við "Nota tveggja þátta auðkenningu" í fyrirtækjaskjali CCQ (undir Stillingar - Aðgangur - Fyrirtæki).
Endursetning lykilorðs
Notendur geta auðveldlega beðið um endurstillingu lykilorðsins síns. Styddu þig við eftirfarandi skref til að endursetja lykilorðið þitt:
Smelltu á Nýtt eða gleymt lykilorð? hlekkinn neðst á innskráningarglugga CCQ. (Smelltu hér til að fara beint í hlekkinn).
Skráðu inn netfangið þitt og smelltu á Senda. Ef þú hefur slegið netfangið rétt inn, þá birtist tilkynning á skjánum um að tölvupóstur hafi verið sendur til þín með upplýsingum um hvernig þú getur endurstillt lykilorðið.
Smelltu á hlekkinn sem þú fékkst sendan í tölvupóstinum.
Sláðu inn nýtt lykilorð í glugganum sem birtist á síðunni. Smelltu að lokum á Set password til að komast inn í kerfið.
Athugið að hlekkurinn gildir einungis tímabundið og endurtaka verður ferlið ef ekki er skipt um lykilorðið fljótlega eftir að hlekkurinn berst.